A Concesión

Somos unha sociedade fundada co obxecto social de executar o contrato de concesión de obra pública relativo ao Hospital Público Álvaro Cunqueiro: Novo Complexo Hospitalario Universitario de Vigo. Estamos dedicados a axudar a facer realidade os Obxectivos de Desenvolvemento Sostible da ONU e por iso involucrámonos na redacción do proxecto técnico, financiamento, construción do Novo Hospital Público de Vigo, así como a explotación de determinados servizos non clínicos do complexo hospitalario.

Cremos firmemente que alcanzar os 17 ambiciosos obxectivos da ONU é esencial para o futuro das persoas e o planeta ao abordar o cambio climático, construír comunidades resilientes e protexer o medio ambiente.

Por iso, aínda que a nosa duración como sociedade non é indefinida, dado que o período de concesión ten unha duración máxima de 20 anos, ao termo da mesma comprometémonos a que o complexo manteña un bo estado de conservación, de maneira que poidan seguir cumprindo a finalidade para a que se outorgou a concesión e sen ningún tipo de contraprestación.

Temos a experiencia e a creatividade necesarias para lograr un impacto real. Resolvemos problemas de forma práctica. O noso enfoque integrado de investimento garante que podamos maximizar os beneficios económicos, ambientais e sociais en cada proxecto.

Unha concesión dun servizo público é un acordo no que unha Administración delega a unha entidade privada a xestión, operación ou desenvolvemento dun servizo esencial para a cidadanía; como auga, electricidade, transporte ou saúde, baixo un contrato con condicións específicas. O obxectivo é aproveitar a capacidade técnica, financeira e operativa do sector privado para garantir a prestación eficiente do servizo, mentres o goberno conserva a titularidade e establece as normas e estándares que deben cumprirse nun contrato amparado pola lexislación vixente ao que concorren empresas diferentes con propostas de mellora. Este modelo busca optimizar os recursos públicos e mellorar a calidade do servizo sen que o Estado perda a súa última responsabilidade cara aos usuarios. E ese modelo está auditado a tempo real na súa xestión precisamente por tratarse dun servizo esencial e público.